حقيقة قضية احمد ابوزيد
تعالوا بقى اقول لكم الحقيقه الكامله ونفهم ايه اللي حصل مع اليوتيوبر الخلوق احمد ابو زيد خصوصا انه من ساعه ما اتقبض عليه، ما حدش فاهم حاجه وماحدش عارف هو ايه اللي بيحصل معاه بالظبط، الداخليه نزلت بيان وقالت انه تم ضبطه ب 163000 دولار والدنيا هاجت وماجت قال لك اساسا القانون ما بيمنع حيازه الدولار فما بالكم ده يوتيوبر قبضه بالدولار يعني عنده مبرر لحيازه الدولار.
هي الداخليه هتحقق معاه
ليه؟ هي قبضت عليه ليه؟ وايه علاقه ده
بجائزه المليون دولار؟ ما حدش كان فاهم
حاجه كلها كانت تكهنات كلها كانت اتهامات
لغايه اولى جلسات محاكمه احمد ابو زيد، وقف
قدام القاضي افصح او اوضح عن مفاجات، كلنا
فهمنا هو اللي بيحصل مع ده حصل ليه وازاي؟ وده اللي هشارك حضراتكم بيه في مقالة النهارده. قبل ما نكمل ادعوا
له ان ربنا ان شاء الله يفك كربه، ان ربنا
ان شاء الله يخرجه بالسلامه وان شاء الله
يتحكم له بالبراءه في القضيه اللي هو متهم
فيها.
هو ايه اللى حصل؟
خلونا بقى نفهم الموضوع كده من
اوله عشان الناس ماتتعبش، هقول لحضراتكم ايه اللي حصل في اولى
جلسات محاكمته في المحكمه الاقتصاديه اللي
موجوده في مدينه طنطا ، خلونا ناخد الموضوع
كده واحده واحده لكن قبل ما نكمل انا دوري النهارده راوي يعني هقوم
بمهنتي فقط مش هقول رايي.
يعني
ناقل للحدث مش صانع للحدث تمام؟ كل اللي
انا هقوله هو مجرد معلومات بنقلها
لحضراتكم حاسبوني لو المعلومات اللي انا ذكرتها او اللي انا هقولها، لو فيها اي
حاجه غلط حاسبوني.
البداية
القصه او الواقعه بدات لما
الاستاذ او اليوتيوبر احمد
ابو زيد اعلن على القناه الخاصه بيه ، وطبعا انتم عارفين انه عنده قناه بتقدم دروس ، فبيقدم علم للناس وعشان كده محبوب وعشان
كده قناته ما شاء الله كبيره احمد ابو زيد قال انا مقدم في جايزه
كبيره جايزه المليون دولار.
زي ما بيتقال
جايزه احسن صانع محتوى في الشرق الاوسط
وطلب من الناس ان هي تدعمه ان هي تصوت له ، الحقيقه ان هو بعد الفيديو ده دخل في جدال مع عدد من صناع المحتوى التانيين وبعد كده
احمد ابو زيد اختفى وماحدش كان فاهم اختفى
ليه؟ ازاي مره واحده ما يبقاش يطلع القناه
عنده ،مره واحده مايبقاش موجود، هو ايه اللي حصل له؟ في ايه بالظبط ؟
وزاره الداخليه نزلت بيان وقالت ان احمد
ابو زيد مقبوض عليه، ليه مقبوض عليه؟ قالوا ان هو تم ضبطه معاه
163000 دولار وتم توجيه تهم للاتجار في النقد الاجنبي خارج الاطار المشروع ، وقالت ان هو تم حبسه على ذمه التحقيقات، طبعا
الدنيا هاجت وماجت زي ما انا ذكرت كده مع
حضراتكم.
الكل قال لك ازاي؟ لا ده هم اللى عملوا
كده عشان يحرموه من جايزه المليون دولار
بس اشمعنى قبضوا عليه دلوقتي؟ وغير كده
فيها ايه لما يبقى معاه
163000 دولار؟ صحيح انه رقم ضخم، لكن رقم ضخم لبني
ادم عادي مش لراجل يوتيوبر قناته فيها فوق ال 8 مليون متابع .
راجل شغال بقى
له اكتر من 12 سنه طبيعي انه يكون تحصل
على مبلغ زي ده ، طبيعي ان الفلوس دي تكون
اصلا فلوسه ده الراجل بيقبض بالدولار، امال
انتوا قابضين عليه ليه؟ الحقيقه ان هو تم
حبسه على ذمه التحقيقات والنيابه العامه
احالته للمحكمه الاقتصاديه في
طنطا.
قرار القاضي
قبل ما اقول لحضراتكم بقى قرار
القاضي معاه ايه في اولى الجلسات تعالوا
اقول لحضراتكم بقى ايه هي تفاصيل القضيه
اللي معموله له باختصار، احمد ابو زيد
فلوسه كانت موجوده في البنك كده كده زي ما
انتم عارفين اليوتيوب ما بيتعملش خارج
النطاق المصرفي، يعني ايه؟ يعني بندي له
حساب بنكي يحول لنا عليه الارباح كل شهر.
احمد ابو زيد كان بيسيب فلوسه في
البنك، احمد ابو زيد راح البنك سحب مبلغ
كبير من البنك ازيد كمان من 163000 دولار
والحقيقه لما الواحد بيسحب مبلغ كبير زي
ده ، خصوصا ان هو بعمله غير العمله
المحليه بيتم اخطار البنك المركزي، ومباحث
الاموال العامه بتبدا تشوف وتراقب وتفهم
هي الفلوس دي تم سحبها ليه.
ما هو لو انت
محتاج انك انت تشتري حاجه هتغير الفلوس دي
داخل البنك ، فمعنى انك انت سحبتها بره البنك
قدامك حاجه من الاثنين إما انت هتبدلها من حد خارج البنك وهنا تقع تحت طائله
القانون و تقع قدام المسائله القانونيه، او انك انت ناوي تحتفظ بيهم في
البيت.
الحقيقة
الحقيقه ان احمد ابوزيد خدهم مش
عشان يحتفظ بيهم في البيت و ده اللي
اسفرت عنه التحقيقات او ده بحسب اللي مقدم
باحمد ابوزيد للمحاكمه لقوا ايه بقى؟ لقوا
انه هو بخلاف حيازه ال 163000 دولار اللي
هو هنا ما عملش فيه اي حاجه غلط وغير مجرم، لقوا رسائل على تليفونه بتفيد ان هو كان
عايز يحولهم خارج النطاق المصرفي خارج
البنوك.
حد هيقول لي بس ده مش بيتاجر فيهم
كده ! ده هي فلوسه يغيرها من اي
مكان ، دول بقى فاهمين غلط زي ما احمد كان
فاهم غلط، مش معنى انك انت تتاجر في النقد الاجنبي انك انت تكون
تاجر بالفعل و وبتبيع وبتشتري، لا لمجرد
انك بتبيعهم ما انت اسمك بتبيعهم او
بتغيرهم بقى خارج السوق المصرفي المعتمد
اللي هي سواء شركات صرافه او البنوك، انت
كده يعني زيك زي اللي بيتاجر في السوق او
بيتاجر في العملات الاجنبيه.
ده اللي حصل
مع احمد ابو زيد عشان كده اتوجهت له التهمه
الصعبه دي، ليه بقول صعبه عشان عقوبتها
رخمه جدا عقوبتها اقل حاجه خمس
سنين واقصى حاجه 10 سنين ، وهي طبعا جنايه
بالاضافه لاقل غرامه فيها 5 مليون جنيه مع
مصادره
المقبوضات.
الفايده
المشكله ان احمد ابو زيد كان
بيتكلم بكل اريحيه، هو راجل واضح هو راجل
صريح، هو راجل محترم ، طلع وقال انا فلوسي وبغيرها ما يعرفش ان مجرد انه بغيرها دي بره اعتراف منه ان هو مشارك
في عمليه اتجار في النقد خارج السوق
المصرفي، اتمنى ان القاضي يرأف بحاله، اتمنى ان القاضي يشوف فيه حسن نيه
يبقى
فاهم ان احمد ما كانش يقصد، ما كانش يعرف
ان حاجه زي دي ممكن تضر اقتصاد البلد.